...فقر الحال...للشاعر رمضان البربري
لا أنا الشاطر حسن
ولا إنتي حورية
أي نعم وجهك حسن
وحليوة في عنية
لا أبوكي الملك النعمان
ولا أبويا كان سلمان
أنا أبويا رجل غلبان
فقير الحال عدمان
يابنت كفاية دلع
وحب أخرة عذاب
كفاية قلبي إتخلع
من سكة فيها ضباب
لا عندي مال ولا جاة
ولا عز فى يوم نلقاة
قلبك أنا بهواة
وفقر الحال غلاة
قالوها مرة زمان
عيب الرجل نقصان
وانا جيبي مش مليان
ولا حتي لاقي إحسان
يابنت خطي وميلي
وامشي بعيد عن ليلى
والله حبك كاويني
والله إنتي علي عيني
Aucun commentaire:
Enregistrer un commentaire