بالغربة بيجي الليل وبيسرقني
والأفكار بتستردني عا بلادي
عا أهلي
عا الوطن بالي مشغول
والأرزات عليها بدور وقول:
من البعد تعب انيني
نفسي حزينه
حالتي معينه
تأثر فيي حنيني
عطف الام
دخلك يا ربي
اعطيني
هالقلب لبعيد عني
والدرة الثمينه
اعطيني تذكرة
وعندها رميني
بعرف جوابك يا معين
التضحية بسبيل لقمة العيش
بتولد جروح سخينه
يا ما نمت من قهري وعنيني
الغربه يا بيي صعبه
بين القهر والتعب
ضيعت عمري وسنيني
متل الناسك انا هون
بها المدينه
بعتت من مده مكتوب
مع رفقه أمينه
يا رب استرد الجواب
لبيقوي عزمي ويقبني
يا ريت بقيت بضيعني
ولا روحي بقيت ضنيني
رح أرجع يا اهلي بتذكرة
تثبت اوصالي
يا بلادي انا فيكي بعتز
وحدك بترفعي راسي
و بتعلي جبيني
//كريستين افرام//
Aucun commentaire:
Enregistrer un commentaire