احلام تشرين
،،،،،،،،،،،،،،،،،،،،،،
قالت تفضل عالغذا
ما في حدا
منقعد انا وياك نحكي
عالهدا
منرجّع الذكره بعمر
الولدنه
وكيف كنا نركض بهاك
الودا
وكيف ايدو مدها العمر
الشقي
وخلا الثلج ع روسنا ابيض
نقي
وصار الغذا حجه لحتى
نلتقي
وع غصونا ما عاد هالبلبل
شدا
ومر الربيع وتشرنوا
احلامنا
والشتي ناطر ع بواب
منامنا
يالله معي نمحي درب
اوهامنا
و نفرح سويه بشو بقي قدمنا
من قبل منو يضمنا
جناح الردا
،،،،،،،،،،،،،،،،،،،،،،،،،،،،،،،،،،،،،،
راضي مشيلح
Aucun commentaire:
Enregistrer un commentaire