==========
تيجيني في لحظة النسيان
وتوعد قلبي من تاني
وتحلف أن شاريني
وإنك دم ف الشريان
وأنتي النن ف عيوني
تفوق م الحلم ع الأوهام
وتندم وانت ناسيني
تلوم روحك علي غلطة
في احساسك بترويني
وتتكبر تقول حُبك
بيروي عطشي وسنيني
يفوت العمر والأشواق
بنار الحب تكويني
لكن سلمت أنك وهم
معدش لروحي يشجيني
ومش بايعة ولا شارية
ولا تايه ولا حايرة
يانور الشمس حرقاني
بنار الغدر ظالمني
أنا اتعودت ع النسيان
وأعيشني وسط أحزاني
أفرحني في لحظة مر
وأحلي الحب من تاني
وأعيشك ذكري مجهولة
ما بتمناش تعود تاني
إيمان _رضوان #
Aucun commentaire:
Enregistrer un commentaire